నమో నారాయణాయ నారాయణాయ – అన్నమయ్య సంకీర్తన

॥పల్లవి॥
నమో నారాయణాయ నారాయణాయ సగుణబ్రహ్మణే
సర్వపారాయణాయ శోభనమూర్తయే నమో
॥చ1॥
నిత్యాయ విబుధసంస్తుత్యాయ నిత్యాధి-
పత్యాయ మునిగణ ప్రత్యయాయ
సత్యయ పత్యక్షాయ సన్మానససాం-
గత్యాయ జగదవనకృత్యాయ తేనమో
॥చ2॥
అక్రమోద్దతబాహువిక్రమాతిక్రాంత
శుక్రశిష్యోన్యూలనక్రమాయ
శక్రాదిగీర్వాణవక్రభయభంగని-
ర్వక్రాయ నిహతారిచక్రాయ తేనమో
॥చ3॥
అక్షరాయాతినిరపేక్షాయ పుండరీ-
కాక్షాయ శ్రీవత్సలక్షణాయ
అక్షీణవిజ్ఞానదక్షయోగీంద్రసం-
రక్షానుకంపాకటాక్షాయ తేనమో
॥చ4॥
కరిరాజవరదాయ కౌస్తుభాభరణాయ
మురవైరిణే జగన్మోహనాయ
తరుణేందుకోటీరతరుణీ మనస్త్సోత్ర-
పరితోషచిత్తాయ పరమాయ తే నమో
॥చ5॥
పాత్రదానోత్సవప్రథిత వేంకటరాయ
ధాత్రీశకామితార్థప్రదాయ
గోత్రభిన్మణిరుచిరగాత్రాయ రవిచంద్ర-
నేత్రాయ శేషాద్రినిలయాయ తే నమో నారయణాయ

రాగము: శుద్దవసంతం
రేకు: 0044-02
సంపుటము: 1-269