నగుఁబాట్లఁ బడేనాజిహ్వ

॥పల్లవి॥
నగుఁబాట్లఁ బడేనాజిహ్వ
పగటున నిదివో పావనమాయ
link
॥చ1॥
ఇల నిందరి నుతియించి పెంచువలె
నలినలియైనది నా జిహ్వ
నలినోదరుశ్రీనామము దలఁచిన-
ఫలమున కిదివో పావనమాయ
॥చ2॥
భ్రమఁబడి మాయపుపడఁతులతమ్మలు
నమలి చవులుగొనె నాజిహ్వ
అమరవంద్యుఁడగుహరి నుతియించఁగ
ప్రమదము చవిగొని పావనమాయ
॥చ3॥
నెలఁతలపలు యోనిద్రవనదులను
నలుగడ నీఁదెను నాజిహ్వ
అలసి వేంకటనగాధిపయనుచును
పలికినయంతనె పావనమాయ

రాగము: ముఖారి
రేకు: 0009-02
సంపుటము: 1-56