దొరుకునా యితని కృప తుదిపదంబు – అన్నమయ్య సంకీర్తన

॥పల్లవి॥
దొరుకునా యితని కృప తుదిపదంబు
అరిది విభవము లొల్లమనినాఁ బొదలు
read
॥చ1॥
సొంపలర నితఁడు కృపఁజూచు టరుదని కాక
యింపు సామాన్యమా యితని కరుణ
లంపటము ఘనమైన లక్ష్మీకటాక్షములు
సంపదలు తోడనే చల్లు వెదలాడు
॥చ2॥
తగ నితనిపై భక్తి తగులు టరుదని కాక
నగుట సామాన్యమా ననచి యితఁడు
జగదేక హితములుగ సరసతలు సౌఖ్యములు
దిగులువాయఁగ నితడు దిప్పుదీరాడు
॥చ3॥
తిరువేంకటాద్రి సిద్ధించు టరుదని కాక
మరుగఁ దను నిచ్చునా మరియొకరిని
యిరవైన భోగములు యిష్టసామ్రాజ్యములు
విరివిగొని యితని దయ వెంటనే తిరుగు

రాగము: సామంతం
రేకు: 0069-01
సంపుటము: 1-358