తొలుఁబాపపుణ్యాలతోడఁ బుట్టితినట

॥పల్లవి॥
తొలుఁబాపపుణ్యాలతోడఁ బుట్టితినట
బలువైనభవములఁ బడలేనా
open
॥చ1॥
గాముల యింటనే కాఁపనయితినట
పాముపుట్ట నుండియైన బతుకలేనా
గోమున హేయపుఁగుండకూడు నించితినట
గామిడి నేగారేతిత్తిఁగా నోపనా
॥చ2॥
కట్టైనగుణములచే కట్టువడితినట
చుట్టపుబంధాలరొచ్చుకు నోపనా
దట్టపుటాసల నేఁదాల్చితినట నా-
వెట్టకాయము మోపవెఱచేనా
॥చ3॥
నిగిడినలోపల నీ వుండుదుట
పగవారికి నేఁ బగిలేనా
తగువేంకటేశ నీదయవాఁడనట యీ-
వగల నిన్నిఁట గెలువఁగలేనా

రాగము: సాళంగం
రేకు: 0028-01
సంపుటము: 1-169