తలపోఁత బాఁతె తలఁపులకుఁ దమ

॥పల్లవి॥
తలపోఁత బాఁతె తలఁపులకుఁ దమ
కొలఁ దెఱంగనిమతి గోడాడఁగా
wat kost de pil
॥చ1॥
ఆపదలు బాఁతె అందరికినిఁ దమ-
చాపలపు సంపదలు సడిఁబెట్టఁగా
పాపములు బాఁతె ప్రాణులకును మతిఁ
బాపరానియాస దమ్ముఁ బాధించఁగా
॥చ2॥
జగడాలు బాఁతె జనులకునుఁ దమ-
పగలైనకోపాలు పై కొనఁగా
వగలు బాఁతె వలలఁ బెట్టెడి తమ్ముఁ
దగిలించు మమత వేదనము సేయఁగా
॥చ3॥
భయములు బాఁతె పరులకును తమ-
దయలేక అలయించు ధనముండఁగా
జయములు బాఁతె సతతమును యింత-
నయగారివేంకటనాథుఁ డుండఁగాను

రాగము: శంకరాభరణం
రేకు: 0006-06
సంపుటము: 1-41