చెలి నేఁడు తానేమి సేయునమ్మ చెలి యేమిసేయు నీ- – అన్నమయ్య సంకీర్తన

॥పల్లవి॥
చెలి నేఁడు తానేమి సేయునమ్మ చెలి యేమిసేయు నీ-
చెలు లేమి సేయుదురు చెలువైన విభుమేనిచెలు వింత సేయఁగా
read
॥చ1॥
సతి నేఁడు బంగారుచవికెలోఁ జిత్రంపు-
గతు లెంత చూపినఁ గడకంటఁ జూడదు
అతనిఁజూచినమంచియబ్బురపుఁజూపులు
అతనివెంటనే పోయ నటుగాఁబోలును
॥చ2॥
తేనియలూరేటి మంచి తియ్యనిమాటలు మంత్ర-
గానములుగా వినుపించి కడువేసరితిమి
వానిమాటలు విన్నవలనైన ముదమున
వీనులు ముద్రించిన విధముగాఁబోలును
॥చ3॥
నిచ్చళపుమోమున నెయ్యము దైలువారె
బచ్చనచేఁతలు గుబ్బలపై నిండనొప్పెను
అచ్చపువేడుక వేంకటాద్రీశుఁ డీరేయి
నెచ్చెలికి నిచ్చినట్టినేరుపు గాఁబోలును

రాగము: ఆహిరి
రేకు: 0069-02
సంపుటము: 1-359