చిత్తమో కర్మమో జీవుఁడో దేవుఁడో – అన్నమయ్య సంకీర్తన

॥పల్లవి॥
చిత్తమో కర్మమో జీవుఁడో దేవుఁడో
వొత్తిన యీచేఁత లొకరివి గావు
॥చ1॥
పదిలమైన మోహపాశంబులు దెచ్చి
మెదలకుండఁగ నాకు మెడఁజుట్టి
యెదిరివారు నవ్వ నింటింటఁ దిరిగించి
తుదలేని యాసల దు: ఖాతురునిఁ జేసె
॥చ2॥
కొలఁదిమీఱ జన్మకోట్లఁ బెనగొని
తొలఁగని నాలోని దురితము
తొలఁగింప నాలుక తుదకు నీపేరిచ్చి
తెలుపు మింతియ చాలుఁ దిరువేంకటేశా

రాగము: బౌళి
రేకు: 0050-06
సంపుటము: 1-309