కోరు వంచరో కోటారు – అన్నమయ్య సంకీర్తన

॥పల్లవి॥
కోరు వంచరో కోటారు
ఆరసి మనసా అంతరాత్మకు
॥చ1॥
కొండలపొడవులు కోరికకుప్పలు
పండినపంటలు భవము లివి
నిండినరాసులు నిజకర్మంబులు
అండనె యివె మాయారంభములు
॥చ2॥
వెలిధాన్యంబులు విషయపురాసులు
పొలివారేటివూరుపుగములు
కలుషపుమదమున కావుగప్పినవి
అలవిమీర మాయారంభములు
॥చ3॥
బడి నింద్రియములబంతులు నురిపి
కడురతుల దండగట్టలతో
యెడనెడ శ్రీవేంకటేశుమహిమ లవే
ఆడియాలపుమాయారంభములు

రాగము: ఆహిరి
రేకు: 0080-06
సంపుటము: 1-387