కటకటా జీవుఁడా కాలముదోలుకరాఁగ – అన్నమయ్య సంకీర్తన

॥పల్లవి॥
కటకటా జీవుఁడా కాలముదోలుకరాఁగ
సటవటలనే పొద్దు జరుపే వుగా
read
॥చ1॥
సమత నన్నియును జదివి కడపటను
కుమతివై అందరిఁ గొలిచే వుగా
తమిగొని ప్రేమ నెంతయును గంగకుఁబోయి
తమకింది నూతినీరు దాగే వుగా
॥చ2॥
తనువుఁ బ్రాయము నమ్మి దానధర్మము మాని
చెనటివై కర్మాలు సేసే వుగా
వొనరఁగ మీఁదనొడ్డిన మొగులు నమ్మి
దొనలనీళ్ళు వెళ్ళఁదోసే వుగా
॥చ3॥
యెలమితోఁ దిరువేంకటేశుఁ గొలువలేక
పొలము రాజులవెంటఁ బొయ్యే వుగా
చిలుకకువలె బుద్ధిచెప్పనఁ గానలేక
పలుమారుకే తోజుఁ బాడే వుగా

రాగము: పాడి
రేకు: 0067-05
సంపుటము: 1-350