ఏది కడ దీని కేది మొదలు | వట్టి … – అన్నమయ్య సంకీర్తన

॥పల్లవి॥
ఏది కడ దీని కేది మొదలు | వట్టి …
వేదనలు తన్ను విడుచు టెన్నఁడు
॥చ1॥
తొడరినహృదయమే తోడిదొంగయై
వడిగొని తన్ను వలఁబెట్టఁగాను
కడఁగి కర్మములఁ గడచు టెన్నడు
నిడినిబంధముల నీఁగు టెన్నఁడు
॥చ2॥
తతిగొన్న తలఁపులే దైవయోగమై
మతినుండి తన్ను మరిగించఁగాను
ప్రతిలేని యాపదఁ బాయు టెన్నఁడు
ధృతిమాలిన యాస దీరు టెన్నఁడు
॥చ3॥
పొదలిన మమతయే భూతమై తన్నుఁ
బొదిగొని బుద్ధి బోధించఁగాను
కదిసి వేంకటపతిఁ గనుట యెన్నఁడు
తుదలేనిభవములఁ దొలఁగు టెన్నఁడు

రాగము: కన్నడగౌళ
రేకు: 0036-06
సంపుటము: 1-225