ఎదుటినిధానమ వెటుచూచిన నీ- – అన్నమయ్య సంకీర్తన

॥పల్లవి॥
ఎదుటినిధానమ వెటుచూచిన నీ-
వదె వేంకటగిరియనంతుఁడా
॥చ1॥
సొగిసి భాద్రపదశుద్ధచతుర్ధశి
తగువేడుక నిందరు గొలువ
పగటుసంపదలు బహుళ మొసఁగు నీ-
వగు వేంకటగిరియనంతుఁడా
॥చ2॥
తొలుత సుశీలకు దుశ్శీలవలన
వెలయ సంపదల విముఖఁడవై
వలెనని కొలిచిన వడిఁ గాచినమా-
యల వేంకటగిరియనంతుఁడా
॥చ3॥
కరుణఁ గాచితివి కౌండిన్యుని మును
పరగినవృద్ధబ్రహ్మఁడవై
దొరవులు మావులు ధ్రువముగఁ గాచిన-
హరి వేంకటగిరియనంతుఁడా

రాగము: శుద్దవసంతం
రేకు: 0066-05
సంపుటము: 1-344