ఎట్టు వేగించె దిందుకేగురే సితరకాండ్లు – అన్నమయ్య సంకీర్తన

॥పల్లవి॥
ఎట్టు వేగించె దిందుకేగురే సితరకాండ్లు
వెట్టివేమి సేయుమంటా వెన్నడించే రిపుడు
॥చ1॥
వొంటికాలఁ గుంటికుంటి వూరిబందెలకుఁ జిక్కి
పంటదాఁకా దున్నె నొక్కపసురము
గంటుగంటులాక లొత్తి కల్లల నడిమిపంట
కుంటివాఁడు గావలుండి కుప్ప లేరుపరచె
॥చ2॥
కలది కుక్కిమంచము కన్నవారెల్లాఁ బండేరు
తలెతో దొగ్గినంబలి దావకూళ్ళు
వెలిఁగంతల కొంపలు వీడుఁబట్లు చూపేరు
తలవరులెందు లోనాఁ దప్పు వెదకేరు
॥చ3॥
వొళ్ళుచెడ్డవాఁ డొకఁడు వుభయమార్గము గొని
కల్లదొరపుట్టుబడి కడుఁగట్టీని
చల్లనిశ్రీవేంకటేశ సకలలోకపతివి
యిల్లిదె నీశరణంటి మిందరిని గావవే

రాగము: శ్రీరాగం
రేకు: 0078-01
సంపుటము: 1-370