ఎట్టివారికినెల్ల నిట్టికర్మములు మా- – అన్నమయ్య సంకీర్తన

॥పల్లవి॥
ఎట్టివారికినెల్ల నిట్టికర్మములు మా-
యెట్టివారికి నింక నేది తోవయ్య
॥చ1॥
పాముఁజంపిన యట్టిపాతకమునఁ బెద్ద –
పాముమీఁద నీకుఁ బవళించవలసె
కోమలిఁ జంపిన కోఱఁతవల్ల నొక్క-
కోమలి నెదఁ బెట్టుకొని యుండవలసె
॥చ2॥
బండి విఱిచినట్టి పాతకమునఁ బెద్ద
బండిబోయుఁడవై పనిసేయవలనె
కొండవెఱికి నట్టిగుణమునఁ దిరుమల-
కొండమీఁద నీకుఁ గూచుండవలసె

రాగము: సాళంగనాట
రేకు: 0045-05
సంపుటము: 1-277