ఎందుఁ బొడమితిమో యెఱఁగము మా-

॥పల్లవి॥
ఎందుఁ బొడమితిమో యెఱఁగము మా-
కందువ శ్రీహరికరుణేకాక
go
॥చ1॥
ఏఁటిజన్మమో యెఱఁగము పర-
మేఁటిదో నే మెఱఁగము
గాఁటపుకమలజుఁ గాఁచినయీ
నాఁటకుఁడే మానమ్మినవిభుఁడు
॥చ2॥
యెవ్వారు వేల్పులో యెఱఁగము సుర
లెవ్వరో నే మెఱఁగము
రవ్వగు శ్రీసతిరమణుఁడు మా-
కవ్వనజోదరుఁ డంతరియామి
॥చ3॥
యింకానేఁటిదో యెఱఁగము యీ –
యంకెలబాముల నలయము
జంకెల దనుజులఁ జదిపినతిరు-
వేంకటేశుఁడు మావిడువనివిభుఁడు

రాగము: ముఖారి
రేకు: 0014-01
సంపుటము: 1-83