ఈతఁడఖిలంబునకు నీశ్వరుఁడై సకల-

॥పల్లవి॥
ఈతఁడఖిలంబునకు నీశ్వరుఁడై సకల-
భూతములలోనఁ దాఁబొదలు వాఁడితఁడు
॥చ1॥
గోపాంగనల మెఱుఁగు గుబ్బచన్నులమీఁద
చూపట్టుకమ్మఁ గస్తూరిపూఁత యితఁడు
తాపసోత్తముల చింతాసౌధములలోన
దీపించు సుజ్ఞానదీప మితఁడు
॥చ2॥
జలధికన్యాపాంగ లలితేక్షణములలో
కలసి వెలుఁగుచు నున్న కజ్జలం బితఁడు
జలజాసనుని వదన జలదిమద్యము నందు
అలర వెలువడిన పరమామృతం బితఁడు
॥చ3॥
పరివోని సురత సంపదల నింపులచేత
వరవధూతతికి పరమమైన యితఁడు
తిరువేంకటాచలధిపుఁడు దానె యుండి
పరిపాలనము సేయ భారకుండితఁడు

రాగము: శ్రీరాగం
రేకు: 0028-02
సంపుటము: 1-170