ఇత్తడి బంగారుసేయ నింతకు నేరుతునంటా – అన్నమయ్య సంకీర్తన

॥పల్లవి॥
ఇత్తడి బంగారుసేయ నింతకు నేరుతునంటా
కొత్తసేఁతలెల్ల దొరకొంటిగా నీవు
॥చ1॥
హీనులైనవారు నిన్ను నేచి కొలిచిన ఘన-
మైన పదవులఁ బెట్టేయెటువలెనే
మానక యెవ్వతెనైన మచ్చికఁ దగిలి నాతో …..
నానిపట్టి సరివేసే వద్దిరా నీవూ
॥చ2॥
కడుఁబాతకులు నిన్నుఁ గదిసి కొలిచేరంటా-
నడరి పుణ్యులఁజేయునటువలెనే
కడఁగి యెవ్వతెనైన గాజు మాణికము సేసి
వడి నన్నుఁ గెరలించవద్దురా నీవూ
॥చ3॥
దిందుపడ మాయసేసి దేవుఁడ నేఁగానంటా….
నందరి భ్రమలఁ బెట్టునటువలెనే
అందమైనన తిరువేంకటాద్రీశ నీప్రేమ
చెంది నన్నుఁ గూడి దాఁచజెల్లునా నీవూ

రాగము: సామంత
రేకు: 0069-03
సంపుటము: 1-360