ఆసమీఁద విసుపౌ దాఁక యీ – అన్నమయ్య సంకీర్తన

॥పల్లవి॥
ఆసమీఁద విసుపౌ దాఁక యీ
గాసిఁ బరచుతన కపటమే సుఖము
॥చ1॥
తిరమగుఁ కర్మము దెగుదాఁక తన-
గరిమ సుఖము పొగడునందాఁక
పరమార్గం బగపడుదాఁక తన-
పరితాపపు లంపటమే సుఖము
॥చ2॥
కాయము గడపల గనుదాఁక యీ
మాయ దన్ను వెడమరుదాఁక
రాయడి మదము గరఁగుదాఁక యీ-
రోయఁదగిన తనరూపమే సుఖము
॥చ3॥
లంకెలఁ బొరలి నలఁగుదాఁక యీ
యంకెల భవము లెరవౌదాఁక
వేంకటపతిఁ దడవిన దాఁక యీ
కింకురువాణపు గెలుపే సుఖము

రాగము: ఆహిరి
రేకు: 0034-05
సంపుటము: 1-212