ఆలాగుపొందులును నటువంటికూటములు

॥పల్లవి॥
ఆలాగుపొందులును నటువంటికూటములు
యీలాగులౌట నేఁడిదె చూడనయితి
॥చ1॥
అడియాసచూపులకు నాసగించితిఁగాని
వెడమాయలని లోను వెదకలేనైతి
కడువేడుకలఁ దగిలి గాసిఁ బొందితిఁగాని
యెడలేనిపరితాప మెఱఁగలేనైతి
॥చ2॥
చిరునగవుమాటలకుఁ జిత్తగించితిఁగాని
తరితీపులని లోనుఁ దలఁపలేనైతి
వరుస మోహపుఁ బసలవలలఁ జిక్కితిఁగాని
గరువంపుఁ బొలయలుక గానలేనైతి
॥చ3॥
శ్రీవేంకటేశ్వరునిఁ జింత సేసితిఁగాని
దేవోత్తమునిలాగుఁ దెలియలేనైతి
యీవైభవముపై నిచ్చగించితిఁగాని
యీవైభవానంద మిది పొందనైతి

రాగము: ఆహిరి
రేకు: 0005-02
సంపుటము: 1-30