ఆటవారిఁ గూడితౌరా ఆటవారిఁగూడిఅన్నిచోట్ల బొమ్మ-

॥పల్లవి॥
ఆటవారిఁ గూడితౌరా ఆటవారిఁగూడిఅన్నిచోట్ల బొమ్మ-
లాట లాడించ నధికుండైతివి
॥చ1॥
గురుతరమగు పెద్దకొట్టాములోపల
తిరుమైన పెనుమాయఁ దెరగట్టి
అరయ నజ్ఞానము లవి యడ్డముగఁ జేసి
పరగ సుజ్ఞానదీపములు ముట్టించి
॥చ2॥
తోలుబొమ్మల దొరకొని గడియించి
గాలిచేత వానిఁ గదలించి
తూలేటి రసములు తొమ్మిది గడియించి
నాలుగు ముఖముల నలువున నాడించ
॥చ3॥
నిన్నేమెత్తురుగాని నీకేమి నీలేరు
మన్నించుదాతలు మరిలేరు
యెన్నఁగఁ దిరువేంకటేశ్వర నీదాసు –
లున్నతులై నిన్ను నుబ్బించి పొగడఁగ

రాగము: కన్నడగౌళ
రేకు: 0027-02
సంపుటము: 1-163