అలర నుతించరో హరిని – అన్నమయ్య సంకీర్తన

॥పల్లవి॥
అలర నుతించరో హరిని
యెలయించి మిము భ్రమయించీనిఁ గాలము
॥చ1॥
సేయరో మనుజులార చింత హరినిఁకనైన
రోయరో మీభుజియించు రుచులమీఁద
కాయ మస్థిరము యీకలి మధ్రువము చాలఁ
బోయఁబో యెందుకుఁగాకపోయఁ గాలము
॥చ2॥
మెచ్చరో మనుజులార మీరే హరికథలు
పుచ్చరో మీమదిలోని పొరలెల్లాను
కొచ్చరో మనుజులార కోరికలెల్లను మీకు-
నిచ్చీని శుభములు యివి యెల్లకాలము
॥చ3॥
కనరో వేంకటపతిఁ గన్నులుదనియఁగా
వినరో యీతనిస్తుతి వీనులు నిండ
మనరో శ్రీహరిచేతిమన్ననలు మీరు
తనమీఁదిమది బుద్ధి దాఁచీనిఁ గాలము

రాగము: భూపాళం
రేకు: 0065-05
సంపుటము: 1-338