అది నాయపరాధ మిది నాయపరాధ – అన్నమయ్య సంకీర్తన

॥పల్లవి॥
అది నాయపరాధ మిది నాయపరాధ
మదియు నిదియు నాయపరాధము
॥చ1॥
నెరయ రూపములెల్ల నీరూపమేకా
నరయని యది నాయపరాధము
పరిపూర్ణుఁడగు నిన్నుఁ బరిచ్ఛిన్నునిఁగా-
నరయుట యది నాయపరాధము
॥చ2॥
జీవాత్మునిఁగాఁ జింతింపఁ దలఁచుట
యావంక నది నాయపరాధము
సేవించి నిను నాత్మఁ జింతింపకుండుట
ఆవల నిది నాయపరాధము
॥చ3॥
యీడెరఁగక వేంకటేశుఁడ నినుఁ గొని-
యాడుట యది నాయపరాధము
యేడఁ జూచిన నాయెదుర నుండఁగ నిన్ను
నాడ నీడ వెదకుటపరాధము

రాగము: మాళవి
రేకు: 0044-04
సంపుటము: 1-271