పాయక మతినుండి పరగ మేలుఁగీడును – అన్నమయ్య సంకీర్తన

॥పల్లవి॥
పాయక మతినుండి పరగ మేలుఁగీడును
సేయించి కర్మిఁ దాఁ జేయు టెవ్వరిది
॥చ1॥
వెలయఁ జరాచర విఁభుడైన విభునాత్మఁ
దలఁచుఁగాక ప్రాణి దానేమి నేయు
తెలిపి నిర్మలభక్తి దీపించి తనుఁజేరఁ
గొలిపించు కొనలేమి కొరత యెవ్వరిది
॥చ2॥
కొందరు సుఖులై కొదలేక మెలఁగఁగ
కొందరి దు: ఖపు కొరత యెవ్వరిది
అందరి మతి వేంకటాద్రివల్లభ నీవు
చెంది కర్మములఁ జేయుచేఁత యెవ్వరిది

రాగము: కన్నడగౌళ
రేకు: 0065-03
సంపుటము: 1-336