నీ కథామృతము నా నిరతసేవన నాకు
- సంకీర్తనలు
వార్తా విభాగం- 0
- 1 minute read
॥పల్లవి॥ నీ కథామృతము నా నిరతసేవన నాకు చేకొనుట సకలసంసేవనం బటుగాన ॥చ1॥ ఇదియె మంత్రరాజము నాకు నేప్రొద్దు- నిదియె వేదసంహితపాఠము యిదియె బహుశాస్త్రమెల్లఁ జదువుట నాకు- నిదియె సంధ్య నాకిదియ జప మటుగాన ॥చ2॥ యిదియె బ్రహ్మవిద్యోపదేశము నాకు- నిదియె దుఃఖవిరహితమార్గము యిదియె భవరోగహితభేషజము నాకు- నిదియె వుపనిషద్వాక్యపద్దతిగాన ॥చ3॥ యిదియె దానఫల మీఁజాలినది నాకు యిదియే తలఁపఁ బరహితకర్మము యిదియె తిరువేంకటేశ నీసంస్మరణ- మిదియె యిదియె ఇన్నియును నటుగాన | రాగము: భూపాళం రేకు: 0008-06 సంపుటము: 1-54 |
Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, భూపాళం
