నారాయణాయ నమో నమో నానాత్మనే నమోనమో – అన్నమయ్య సంకీర్తన

॥పల్లవి॥
నారాయణాయ నమో నమో నానాత్మనే నమోనమో
యీరచనలనే యెవ్వరు దలఁచిన యిహపర మంత్రములిందరికి
॥చ1॥
గోవిందాయ నమో నమో గోపాలాయ నమో నమో
భావజగురవే నమో నమో ప్రణవాత్మనే నమో నమో
దేవేశాయ నమో నమో దివ్యగుణాయ నమో యనుచు
యీవరుసలనే యెవ్వరు దలఁచిన యిహపరమంత్రము లిందరికి
॥చ2॥
దామోదరాయ నమో నమో ధరణీశాయ నమోనమో
శ్రీమహిళాపతయే నమో శిష్ట రక్షిణే నమో నమో
వామనాయ తే నమో నమో వనజాక్షాయ నమో నమో
యీమేరలనే యెవ్వరు దలఁచిన యిహపరమంత్రము లిందరికి
॥చ3॥
పరిపూర్ణాయ నమో నమో ప్రణవగ్రాయ నమోనమో
చిరంతన శ్రీ వేంకటనాయక శేషశాయినే నమోనమో
నరకధ్వంసే నమో నమో నరసింహాయ నమో నమో
యిరవుగ నీగతి నెవ్వరు దలఁచిన యిహపరమంత్రము లిందరికి

రాగము: రామక్రియ
రేకు: 0079-05
సంపుటము: 1-380