దైవమా పరదైవమా – అన్నమయ్య సంకీర్తన

॥పల్లవి॥
దైవమా పరదైవమా
యేవగింతలు నాకు నెట్టు దెచ్చేవో
॥చ1॥
పాపకర్మునిఁ దెచ్చి పరమియ్యఁదలఁచిన
మేపులకే పోక మెయుకొనీనా
తీపులు రూపులుఁ దివిరి నా వెనువెంట-
నేపొద్దు నీ వేఁడఁ దెచ్చేవో
॥చ2॥
అధమాధమునిఁ దెచ్చి యధికుని జేసేనంటే
విధినిషేధములు వివరించునా
నిధినిధానములు నిచ్చనిచ్చలుఁ బెక్కు-
విధముల నెటువటె వెదచల్లెదవో
॥చ3॥
అతికష్టుఁడగునాకు నలవిగానియీ-
మత మొఁసగిన నేను మరిగేనా
ప్రతిలేని వేంకటపతి నీదునామా-
మృత మిచ్చి నను నీవే మెరయింతుగాక

రాగము: లలిత
రేకు: 0047-06
సంపుటము: 1-291