చెదఱక వెలుఁగే చేను మేయఁగఁజొచ్చె

॥పల్లవి॥
చెదఱక వెలుఁగే చేను మేయఁగఁజొచ్చె
ఆదలించి తగదు నీ కనువారు వేరీ
link
॥చ1॥
చిత్త మింద్రియములచేఁ జిక్కి , కడు మద-
మెత్తిన వద్దన నిఁక వేరీ
హత్తినమనసు మోహాదులతోఁ గూడి
తత్తరించిన మాన్పఁదగువారు వేరీ
॥చ2॥
జీవుఁడిన్నిటికిఁ దాఁ జిక్కి పోయినత్రోవఁ
బోవఁజొచ్చిన బుద్ధిపొల మేది
శ్రీవేంకటేశుని చింతాపరతఁ గాని
కావఁగ నాత్మకు గతి దానేది

రాగము: బౌళి
రేకు: 0031-06
సంపుటము: 1-193