చక్కఁదనములువారి సతులాల

॥పల్లవి॥
చక్కఁదనములువారి సతులాల
యిక్కువ తెక్వువల మీ రేమిసేసే రిఁకను
॥చ1॥
ఒప్పుగా నరకము మాకు బళిచ్చి మనమెల్ల
కప్పము గొంటిరిగా యంగనలార
అప్పుడే గోవిందునికి ఆహి వెట్టితిఁ జిత్తము
యుప్పుడు యెమ్మెల మీ రేమి సేసేరిఁకను
॥చ2॥
పంచమహాపాతకాలబారిఁ దోసి మాసిగ్గులు
లంచము గొంటిరిగా నెలఁతలార
వంచనతోడుత హరివారమైతి మిఁక మీ
యుంచుకగుట్టుల మీరెందు చోచ్చే రిఁక
॥చ3॥
దొంగిలి మాగుట్టులెల్లా దోవ వేసి మరుబారి
భంగ పెట్టితిరిగా వోభామలార
చెంగలించి వేంకటేశుసేవకుఁ జొచ్చితిమి
యెంగిలి మోవులును మీ రేడఁబడే రిఁకను

రాగము: సామంతం
రేకు: 0017-03
సంపుటము: 1-103