కడలుడిపి నీరాడఁగాఁ దలఁచువారలకు – అన్నమయ్య సంకీర్తన

॥పల్లవి॥
కడలుడిపి నీరాడఁగాఁ దలఁచువారలకు
కడలేని మనసునకుఁ గడమ యెక్కడిది
॥చ1॥
దాహమణఁగినవెనుక తత్వమెరిఁగెదనన్న
దాహమేలణఁగు తా తత్వ మే మెరుఁగు
దేహంబుగలయన్ని దినములకుఁ బదార్ఢ-
మోహమేలుడుగు దా ముదమేల కలుగు
॥చ2॥
ముంద రెరిఁగిన వెనుక మొదలు మరచెదనన్న
ముంద రేమెరుఁగుఁ దా మొదలేల మరచు
అందముగఁ దిరువేంకటాద్రీశు మన్ననల
కఁదువెరిఁగినమేలు కలనైన లేదు

రాగము: శుద్దవసంతం
రేకు: 0036-07
సంపుటము: 1-226