ఏమీ నెఱఁగనినా కేడపుణ్యము – అన్నమయ్య సంకీర్తన

॥పల్లవి॥
ఏమీ నెఱఁగనినా కేడపుణ్యము
తామసుండఁజుమ్మీ ముందరునున్నదైవమా
॥చ1॥
పాతకపుఁజేతులనే పట్టి నిన్నుఁ బూజించు-
ఘాఁతుకుఁడ నాకు నెక్కడి పుణ్యము
చేతనముఁ బోదిసేయుచిత్తము నీదేకాన
రాతిబొమ్మఁజుమ్మీ భారము నీది దైవమా
॥చ2॥
వూనినయెంగిలినోర నొప్పగునిన్నుఁ బొగడు-
హీనజంతువునకు నా కేఁటిపుణ్యము
తేనెవూసి నీ విట్లాఁ దిప్పఁగానే తిరిగేటి-
మానిబొమ్మఁజుమ్మీ నామతిలోనిదైవమా
॥చ3॥
జాలిఁబడి సంసారజలధిలో మునిఁగేటి
కూళఁడ నాకేఁటితేఁకువపుణ్యము
పాలువోసిపైంచిననాపాలి వేంకటేశనే
తోలిబొమ్మఁజుమ్మీ కాతువుగాని దైవమా

రాగము: ముఖారి
రేకు: 0047-01
సంపుటము: 1-286