ఏమి గలదిందు నెంత గాలంబైన

॥పల్లవి॥
ఏమి గలదిందు నెంత గాలంబైన
పామరపు భోగ మాపదవంటి దరయ
॥చ1॥
కొండవంటిది యాస, గోడ వంటిది తగులు
బెండువంటిది లోని పెద్దతనము
పుండువంటిది మేను, పోలించినను మేడి_
పండువంటిది సరసభావమింతియును
॥చ2॥
కంచువంటిది మనసు, కలిమిగలదింతియును
మంచువంటిది,రతి భ్రమతవంటిది
మించువంటిది రూపు, మెలింతియును ముట్టు
పెంచువంటిది,దీనిప్రియ మేమిభ్రాఁతి
॥చ3॥
ఆఁకవంటిది జన్మ, మడవివంటిది చింత
పాఁకువంటిది కర్మ బంధమెల్ల
యేఁకటను దిరువేంకటేశుఁ దలచినకోర్కి
కాఁక సౌఖ్యములున్న గనివంటి దరయ

రాగము: శ్రీరాగం
రేకు: 0018-06
సంపుటము: 1-112