ఎరుఁగుదు రిందరు నెఱిఁగీనెఱఁగరు – అన్నమయ్య సంకీర్తన

॥పల్లవి॥
ఎరుఁగుదు రిందరు నెఱిఁగీనెఱఁగరు
హరి దానే నిజపరమాతుమని
॥చ1॥
నలినాసనుఁ డెఱుఁగు నారదుఁ డెఱుఁగు
కొలఁది శివుఁ డెఱుఁగు గుహుఁ డెఱుఁగు
యిల గపిలుఁ డెఱుఁగు నింతా మను వెఱుఁగు
తలఁప విష్ణుఁడే పరతత్వమని
॥చ2॥
బెరసి ప్రహ్లదుఁడు భీష్ముఁడు జనకుఁడు
గురుతుక బలియ శుకుఁడుఁ గాలుఁడు
వరుస నెఱుఁగుదురు వడి రహస్యముగ
హరి యితఁడే పరమాత్ముఁడని
॥చ3॥
తెలియదగిన దిది తెలియరాని దిది
తెలిసినాను మదిఁ దెలియ దిది
యిల నిందరుఁ దెలిసి రిదే పరమమని
కలవెల్లఁ దెలిపె వేంకటరాయుఁడు

రాగము: శంకరాభరణం
రేకు: 0041-05
సంపుటము: 1-253