ఎన్నఁగలుగు భూతకోటి నెల్లఁ జేసినట్టిచేఁత
- సంకీర్తనలు
వార్తా విభాగం- 0
- 2 minutes read
॥పల్లవి॥ ఎన్నఁగలుగు భూతకోటి నెల్లఁ జేసినట్టిచేఁత నిన్నుఁ జేసుకొనుటగాక నీకుఁ నీకుఁ దొలఁగవచ్చునా ॥చ1॥ గుట్టుచెరిచి లోకమెల్ల ఘోరసంసారమందు కట్టివేసినట్టి పాపకర్మ మేల తీరును పట్టితెచ్చి నిన్ను రోలఁగట్టివేసి లోకమెఱఁగ రట్టుసేసుఁగాక నిన్ను రాజనన్న విడుచునా ॥చ2॥ మిఱ్ఱుపల్లములకుఁ దెచ్చి మెరసి భూతజాలములకుఁ దొఱ్ఱపెసలు గొలచినట్టి దోసమేల పాయును అఱ్ఱుసాఁచి గోపసతుల నలమి వెంటవెంటఁదిరుగ వెఱ్ఱిఁ జేయుఁగాక నీవు విభుఁడనన్న విడుచునా ॥చ3॥ పరులఇంటి కేఁగి పరులపరుల వేఁడఁజేసినట్టి – యెరుకమాలినట్టి చేఁత లేల నిన్ను విడుచును వెరపుమిగిలి వేంకటాద్రివిభుఁడ ననుచు జనులచేత- నరులుగొనఁగఁ జేయుఁగాక ఆస నిన్ను విడుచునా |
రాగము: సామంతం రేకు: 0028-03 సంపుటము: 1-171 |
Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, సామంతం
