ఎట్టుచేసినఁ జేసె నేమి సేయఁగవచ్చు

॥పల్లవి॥
ఎట్టుచేసినఁ జేసె నేమి సేయఁగవచ్చు
చుట్టపువిరోధంబు సునాస్త్రుచ్రెలిమి
॥చ1॥
ఒడలిలోపలిరోగ మొనరఁ బరితాపంబు
కడుపులోపలిపుండు కడలేనియాస
తడిపాఁత మెడగోఁత తలఁపు విషయాసక్తి
గుడిమీఁదితరువు ఆలకులము ప్రాణలకు
॥చ2॥
నీడలోపల యెండ నెలకొన్న బంధంబు
గోడపై సున్నంబు కొదలేని యెఱుక
పాడూరిలో బ్రదుకు పాపకర్మపుబుద్ది
తాడుపై తపసు తమధనము ప్రాణులకు
॥చ3॥
మంటఁజేసిన బొమ్మమనికి సంసారంబు
రెంటికినిగాని వీరిడికొలువు బ్రదుకు
యింటివేలుపు వేంకటేశుఁ గొలువక పరుల-
వెంటఁ దిరుగుట వోడ విడిచి వదరిడుట

రాగము: బౌళి
రేకు: 0017-04
సంపుటము: 1-104