ఇటువలెనేపో సకలము యించుకగన భావించిన – అన్నమయ్య సంకీర్తన

॥పల్లవి॥
ఇటువలెనేపో సకలము యించుకగన భావించిన
అటమటములసంతోషము ఆసలు సేయుటలు
read
॥చ1॥
పగగొనితిరిగేటిజన్మపుబాధలు తనకే కాలము
తగుసుఖ మెక్కడ నున్నది తడతాఁకులే కాక
పొగలోపల సేక గాసిన భగభగఁ గన్నుల నీళ్లు
నిడిగినదు: ఖమే కాకిటు నిజసౌఖ్యము గలదా
॥చ2॥
పొలసిన మాయపురూపులు పొలఁతుల మచ్చిక మాటలు
తలఁచిన తనకేమున్నది తలఁపోఁతలేకాక
బలువునఁ బారఁగ మోహవుపాశము తన మెడఁ దగిలిన
తలకిందుగఁ బడుటెల్లను తనకిది ప్రియమౌనా
॥చ3॥
చేతిపదార్థము దలఁచక చేరువనుండినవారల-
చేతిపదార్థము గోరిన చేతికి లోనౌనా
ఆతుమఁగల వేంకటపతి నాత్మఁ దలఁచి సుఖింపక
యేతరి సుఖములఁ దిరిగిన నింపులు దనకౌనా

రాగము: బౌళి
రేకు: 0050-03
సంపుటము: 1-306