ఇంతే మఱేమిలేదు – అన్నమయ్య సంకీర్తన

॥పల్లవి॥
ఇంతే మఱేమిలేదు యిందుమీఁదను
దొంతులకర్మాలు దుమ్ముదూరుపెత్తుట
॥చ1॥
వుల్లములో నుండి దేహ మొగి రక్షించేహరి-
నొల్లకున్న తన్నుఁ దా నొల్లకుండుట
బల్లిదుఁ డాతని మాని పరుల వేఁడేదెల్లా
పొల్లకట్టు దంచిదంచి పోగు సేసుకొనుట
॥చ2॥
యెయ్యెడాఁ బుణ్యఫలము లేమి గలిగిన హరి-
కియ్యకున్న నది దైవమియ్యకుండుట
చెయ్యార నాతని కొప్పు సేయని భోగములెల్లా
చయ్యన జెఱకుఁ బిప్పి చవిగొనుట
॥చ3॥
శ్రీకాంతుడై నట్టి శ్రీవేంకటేశ్వరుని
జేకొంటే సిరులెల్లా జేకొనుట
మేకుల శ్రీహరినామమే నోర నుడుగట
కైకొన్న యమృతపుగందు వగుట

రాగము: గుజ్జరి
రేకు: 0082-06
సంపుటము: 1-398